ماكل جمله تستمعها مفيده

مساء الخير

قصيده من قصايدي القديمه اتمنى ترتقي لذائقتكم

doPoem(0)

ياهاجسي جتنـي جـروح ٍ جديـده

شفني باهيجن شايل ٍ معي مسبـاح

أفزع كما يفزع عضيـد لعضيـده

وعطني بيوت ٍ تجلي الهم بافـراح

يوم أني أضحـك بالليـال العنيـده

ماودي الحق صيحة الصوت بصياح

القلب ينـزف والمشاعـر وقيـده

والليل زادت وحشته والقمر طـاح

وهبت هبايب والعواصـف شديـده

والبرق يبرق والمطر ماله أريـاح

من بعدها جتكم حـروف القصيـده

سبة خليل ٍ خايـن ٍ ويـن مـاراح

يانعنبو حب ٍ مشـى فـي وريـده

أنا أشهد أنه طاعن القلـب برمـاح

اللـي هجرنـا ياعـرب مانريـده

أقولهـا صـادق ولانـي بمـزاح

دام الغلاء والحـب هـذا حصيـده

بعف عنه وطعـن الـود بالسـلاح

ماكـل جملـه تستمعهـا مفـيـده

ولاكل قفـل ٍ تفتحـه دون مفتـاح

وأخـر كلامـي والعلـم مانعيـده

ماكـل بـرق ٍ تتبعونـه ليـا لاح

يسلموو