مـــغـــامــــرات شــــــحـــــــرور ...

تســلـّــل شحرور الى بيت خالته في ليلة مقمرة ذات نجوم ساطعات .. وكانت عند عتبة البيت
قطة مجنونة ترضع صغارها .. فرفصها شحرور بحنــّــية بالغة على بطنها مما أدى الى طيرانها واستحمامها في نهر الفرات ... ثم تابع تسلله على طريقة الأفعى الخائفة المتسللة .. والا فجأة ابن خالته حمودة اللي في نفس الصف ( السابع ) طالع له من السحبة ...

حمودة ( صار يسرّخ ) : ولك شو اللي جابك يا شحرور على بيتنا
في هالساعة اللي زي وجهك ؟؟
شحرور : ولك وطي صوتك ضفضع عضــّــك ..

حمودة : ليش أوطي صوتي .. ولك شو اللي جابك ع دارنا الساعة 3 بنص الليل
شحرور : بدك الصراحة والا بنت عمها ؟؟

حمودة : لأ بدي بنت اختها ..
شحرور : بنت اختها نايمة هسه .. شو بدك فيها
المهم .. انا جاي اسرق البليستيشن ثري تبعتكو بصراحة

حمودة : هييييييييييي .. الله لا يوفقك يا شحروووور .. صحيح انك ما بتستحي ..
جاي تسرقنا يا كلب .. طيب مش انا عرضتها عليك هذيك المرة هدية وانت رفضت
شحرور : هيك انا طبعي .. بحبش حدا يكون الو جميلة عليي .. وبعدين هاي البليستيشن حقي الشرعي والطبيعي .. هذيك اليوم حلمت انو ابوي اشترالي اياها منكو .. وهيني اجيت استرد حقي

حمودة : يا زم غور من وجهي غاااااااااد ..
شحرور : شو بدك ولا ؟؟ .. ليش طايل الخلوي ؟؟ .. ليكون بدك تتصل بالشرطة .. هاي آخرة العشرة والقرابة يا قرابة

حمودة : خلص .. بطلت بدي اتصل بالشرطة .....
شحرور : az3ar
حمودة : بدي اتصل بمستشفى المجانين عشان يوخذوك على موطنك الأصلي

شحرور : أبوووووس ايدك يا حمودة لأ .. أبوس حفــّــايتك القديمة .. عشان امك اللي هي اخت امي يا حمودة ..
حمودة : هسه تذكرت انو امي اخت امك يا حيوان

شحرور : سامحني يا شحرور .. حبيبك انا
حمودة : طيب .. بسامحك بس ع شرط

شحرور : اشرط واتشرّط يا ابن خالتي .. حتى لو بدك الشرط اللي انا لابسه .. انا تحت أمر عطوفتك
حمودة : شرطي هو انك تجيب الكومبيوتر تبعك مع كل سيديات الألعاب والبرامج اللي عندك وتعتبرهن قرض حسن الى أجلٍ غير مسمى .. شو قلت ؟؟
شحرور : لأ يا حمودة .. لأ ... انت هيك زودتها كثير .. وشو بدو يظللي يا ابن خالتي

حمودة : خلص لعاد .. بسيطة .. هسه بصحــّــي امي من النوم ... وبحيكلها احزري مين جاي عنا ضيف في هالساعة المباركة
بتيجي هي بتطول شبشب وبتشمطه في ثمي وبصير يطيح دم ..
وبعدين بتصير تزعّق وتنادي .. ولك انو اللي بزور حدا الساعة 36 في نص الليل
انا بحيكلها : هاظ ابن اختك شحرور .. جاي يسرقنا
بتيجي هي بتلطملها ساعتين زمن .. هاظ بدل ما تقوم تصليلها ركعتين في جوف الليل ينفعنها يوم القيامة .. وبعدين بتمسكك وبتشحطك ع داركو وبتزتك في حظن امك .. وانت مش غشيم عن خالتي يا شحرور .. رح اتطلــّــقك وتلعن امك بعزا ابوك وتحشي كل الكنادر والبوات في ثمك وهاي المرة بالعرض .. لأنو المرة الأولانية كانت بالطول .. وبعدين امك بتصحي ابوك .. وابوك بصحي اخوانك وسيدك .. وسيدك بصحي عمامك .. وعمامك رح يصحوا اولاد عمامك .. واولاد عمامك رح يصحــــ ( وهنا قاطعه شحرور )
شحرور : ولك خلااااااااااااااااااااااااص .. يحرق عرظك شو هاظ ... حاطط كل أفلام الرعب في جملة مفيدة

خلص من بكرة اعتبر الكومبيوتر وكل السيديات والثلاجة والفرن.. و الدي في دي كمان .. شو .. مش عايز دي في دي .. دي في دي ... والسطح تبع دارنا صاروا عندك
.. شو .. انبسطت هسه ؟؟

حمودة : لأ يا حبيبي .. انت انسيت كمان شغلة
شحرور : وشو هي الشغلة ؟؟ ليكون بدك الشلن اللي في جيبتي .. سدقني هاظ لواحد صاحبي مخليه معاي امانة .. مش رح اقدر اعطيك اياه .. الامانة غالية

حمودة : انو شلن هاظ .. انسيت اني راسب في امتحان الرياضيات .. بدي اياك تعطيني اكمن علامة منك عشان انجح

شحرور : شوووووووووووو ؟؟ طيب منا هيك برسب وانتا بتنجح
حمودة : هسه بروح احكي لأمي وامك بتحكي لأبو.......
شحرور : خلص يا ......... بكرة بحكي لأستاذ الرياضيات يعطيك علاماتي
بس بدي اقول لك كلمة وحدة أرد فيها عليك عن كل العمايل اللي عملتها فيي يا حمودة ...

حمودة : تفضل
شحرور : يمهل ولا يهمل

مطبوش
قصدي ملحوش
أو ملطوش

المهم الزلمة اللي يفك شيفراتها
ترا هذي الرسالة بشيفرة موريس

يسلمووو حياتووو على الموضوع